Jump to content


Photo

Dhammika sutta


  • Please log in to reply
2 replies to this topic

#1 RobertK

RobertK

    Administrator

  • Root Admin
  • 1,307 posts

Posted 05 May 2007 - 07:23 AM

Sutta Nipata Cullavagga

14. Dhammikasutta.m

Eva.m me suta.m – eka.m samaya.m bhagavaa saavatthiya.m viharati jetavane anaathapi.n.dikassa aaraame. Atha kho dhammiko upaasako pa~cahi upaasakasatehi saddhi.m
yena bhagavaa tenupasa"nkami; upasa"nkamitvaa bhagavanta.m abhivaadetvaa ekamanta.m nisiidi. Ekamanta.m nisinno kho dhammiko upaasako bhagavanta.m gaathaahi
ajjhabhaasi–

378. “Pucchaami ta.m gotama bhuuripa~n~na, katha.mkaro saavako saadhu hoti;
yo vaa agaaraa anagaarameti, agaarino vaa panupaasakaase.

379. “Tuva~nhi lokassa sadevakassa, gati.m pajaanaasi paraaya.na~nca;
na catthi tulyo nipu.natthadassii, tuva~nhi buddha.m pavara.m vadanti.

380. “Sabba.m tuva.m ~naa.namavecca dhamma.m, pakaasesi satte anukampamaano;
viva.t.tacchadosi samantacakkhu, virocasi vimalo sabbaloke.

381. “Aaga~nchi te santike naagaraajaa, eraava.no naama jinoti sutvaa;
sopi tayaa mantayitvaajjhagamaa, saadhuuti sutvaana patiitaruupo.

382. “Raajaapi ta.m vessava.no kuvero, upeti dhamma.m paripucchamaano;
tassaapi tva.m pucchito bruusi dhiira, so caapi sutvaana patiitaruupo.

383. “Ye kecime titthiyaa vaadasiilaa, aajiivakaa vaa yadi vaa niga.n.thaa;
pa~n~naaya ta.m naatitaranti sabbe, .thito vajanta.m viya siighagaami.m.

384. “Ye kecime braahma.naa vaadasiilaa, vuddhaa caapi braahma.naa santi keci;
sabbe tayi atthabaddhaa bhavanti, ye caapi a~n~ne vaadino ma~n~namaanaa.

385. “Aya~nhi dhammo nipu.no sukho ca, yoya.m tayaa bhagavaa suppavutto;
tameva sabbepi, [01] sussuusamaanaa, ta.m no vada pucchito buddhase.t.tha.

386. “Sabbepi me bhikkhavo sannisinnaa, upaasakaa caapi tatheva sotu.m;
su.nantu dhamma.m vimalenaanubuddha.m, subhaasita.m vaasavasseva devaa”.

387. “Su.naatha me bhikkhavo saavayaami vo, dhamma.m dhuta.m ta~nca caraatha sabbe;
iriyaapatha.m pabbajitaanulomika.m, sevetha na.m atthadaso mutiimaa.

388. “No ve vikaale vicareyya bhikkhu, gaame ca pi.n.daaya careyya kaale;
akaalacaari~nhi sajanti sa"ngaa, tasmaa vikaale na caranti buddhaa.

389. “Ruupaa ca saddaa ca rasaa ca gandhaa, phassaa ca ye sammadayanti satte;
etesu dhammesu vineyya chanda.m, kaalena so pavise paataraasa.m.

390. “Pi.n.da~nca bhikkhu samayena laddhaa, eko paµikkamma raho nisiide;
ajjhattacintii na mano bahiddhaa, nicchaaraye sa"ngahitattabhaavo.

391. “Sacepi so sallape saavakena, a~n~nena vaa kenaci bhikkhunaa vaa;
dhamma.m pa.niita.m tamudaahareyya, na pesu.na.m nopi paruupavaada.m.

392. “Vaada~nhi eke paµiseniyanti, na te pasa.msaama parittapa~n~ne;
tato tato ne pasajanti sa"ngaa, citta~nhi te tattha gamenti duure.

393. “Pi.n.da.m vihaara.m sayanaasana~nca, aapa~nca sa"nghaa.tirajuupavaahana.m;
sutvaana dhamma.m sugatena desita.m, sa"nkhaaya seve varapa~n~nasaavako.

394. “Tasmaa hi pi.n.de sayanaasane ca, aape ca sa"nghaa.tirajuupavaahane;
etesu dhammesu anuupalitto, bhikkhu yathaa pokkhare vaaribindu.

395. “Gaha.t.thavatta.m pana vo vadaami, yathaakaro saavako saadhu hoti;
na hesa [02] labbhaa sapariggahena, phassetu.m yo kevalo bhikkhudhammo.

396. “Paa.na.m na hane [03] na ca ghaatayeyya, na caanuja~n~naa hanata.m paresa.m.
sabbesu bhuutesu nidhaaya da.n.da.m, ye thaavaraa ye ca tasaa santi [04] loke.

397. “Tato adinna.m parivajjayeyya, ki~nci kvaci saavako bujjhamaano;
na haaraye harata.m naanuja~n~naa, sabba.m adinna.m parivajjayeyya.

398. “Abrahmacariya.m parivajjayeyya, a"ngaarakaasu.m jalita.mva vi~n~nuu;
asambhu.nanto pana brahmacariya.m, parassa daara.m na atikkameyya.

399. “Sabhaggato vaa parisaggato vaa, ekassa veko [05] na musaa bha.neyya.
na bhaa.naye bha.nata.m naanuja~n~naa, sabba.m abhuuta.m parivajjayeyya.

400. “Majja~nca paana.m na samaacareyya, dhamma.m ima.m rocaye yo gaha.t.tho;
na paayaye pivata.m naanuja~n~naa, ummaadananta.m iti na.m viditvaa.

401. “Madaa hi paapaani karonti baalaa, kaarenti ca~n~nepi jane pamatte;
eta.m apu~n~naayatana.m vivajjaye, ummaadana.m mohana.m baalakanta.m.

402. “Paa.na.m na hane na caadinnamaadiye, musaa na bhaase na ca majjapo siyaa;
abrahmacariyaa virameyya methunaa, ratti.m na bhu~njeyya vikaalabhojana.m.

403. “Maala.m na dhaare na ca gandhamaacare, ma~nce chamaaya.m va sayetha santhate;
eta~nhi a.t.tha"ngikamaahuposatha.m, buddhena dukkhantagunaa pakaasita.m.

404. “Tato ca pakkhassupavassuposatha.m, caatuddasi.m pa~ncadasi~nca aµµhami.m;
paa.tihaariyapakkha~nca pasannamaanaso, a.t.tha"ngupeta.m susamattaruupa.m.

405. “Tato ca paato upavutthuposatho, annena paanena ca bhikkhusa"ngha.m;
pasannacitto anumodamaano, yathaaraha.m sa.mvibhajetha vi~n~nuu.

406. “Dhammena maataapitaro bhareyya, payojaye dhammika.m so va"nijja.m;
eta.m gihii vattayamappamatto, sayampabhe naama upeti deve”ti.

Dhammikasutta.m cuddasama.m ni.t.thita.m.

#2 RobertK

RobertK

    Administrator

  • Root Admin
  • 1,307 posts

Posted 05 May 2007 - 08:02 AM

Gahattho - layman

#3 RobertK

RobertK

    Administrator

  • Root Admin
  • 1,307 posts

Posted 05 May 2007 - 08:08 AM

angaro - hot embers
gahattho - layperson